Transcription
1
Lae presente sera pour vous advertir que jay trouvé pourteur,
2
surquoy je nay voulu faire faulte de vous faire entendre
3
de mes nouvelles comme jauroys bonne envye de
4
scavoyr des votre, car je vous ay mandé plusieurs lettres
5
sans jamais en avoyr eu la responce, synon que ce
6
quil pleust à votre seiour me faire entendre de voz
7recommandations. Si jeusse [barré : seur ] sceu de seur que
8
vous fussiez en Avignon et si je eusse sceu
9
la maison de votre maistre, je vous eusse
10
envoyé quelque chose, mais je ne vous envoyeray
11
rien que je ne scache pour certain. Mais je
12
cognoys bien que votre amytié ne mest pas si
13
bonne en mon endroict comme vous estez au mien.
14
On me veult marier à ung homme de Valence
15
Jeusne [sic] nay voulu faire faulte de le vous faire
16
scavoyr à cause que vous scaviez lamitié grande
17
que je vous porte non poinct que je aye
18
trop grand harte [sic] de me marier, car si jestois
19
asseurée de vous, je vous actendroys plustot
20
dix ans. Mais je cognoys bien que votre amytié
21
ne mest pas si bonne comme vous mavez dict
22
aultresfois car, possible, vous cognoissez que je
23
suys trop pouvre pour vous. Je vous supplie
24
de me faire tant de bien que de me faire entendre
25
de voz nouvelles par le premier pourteur
26
qui viendra sahault car, encores que vous
27
ne me fussiez jamais rien, je ne vous
28
oblieray jamais. Non aultre chose pour le present,
29
me recommendant de rechef à votre bonne grace, votre cousine
30
et bonne amye à jamais Guilhomete Marcelete